*~ Mehkte Gulaab ~*

Ishq Aur Mohabbat

Narrated By Atiqa

Ishq Aur Mohabat
Ek Hy Dori Mein Bandhi
Do Mukhtalif Girhein Hain
Kisi Bhi Muqam Par
Kharey Ho Kar
Inn Mein Se Kisi Ek Ko
Chunna Parhta Hai
Aur Main Kehti Hon
Mohabat Ko Chunna
Insan Ko Bohat Sasta Parhta Hai
Iss Mein Sirf Dil Zakhmi Ho Jata Hai
Magar ishq
Ishq Mein Barhe Siyape Hain
Ishq Barha Mehnga Parhta Hai
Yeh Bande Ki Ragon Mein Dorte
Surkh Khoon Ko Siyah Kar Deta Hai
Yeh Joban Pe Ati Jawani Ka
Lutna Mangta Hai
Yeh Husan Ke Har Ramz Ko
Girvi Rakhna Mangta Hai
Yeh Ankhon Ki Shokhi Ka
Veerani Mein Dhalna Mangta hai
Yeh Honton Ki Muskan Ka
Udasi Mein Rach Jana Mangta Hai
Yeh Dil Ki Dhak Dhak Karti
Dharkano Ka Apahij Ho Jana
Mangta Hai
Yeh Sahi Salum Rooh Ka
Zakhmi Hona Mangta Hai
Yeh Insan Ka Hansi Khushi
Jeetey Jee Marna Mangta
Aur Akhri Dam Tak
Mangta Hai