Ahmed Faraz Poetry

Mizaj Hum Se Judaa Na Tha

Mizaj Hum Se Ziada Juda Na Tha Us Ka
Jab Apne Tor Yahi The Tu Kya Gila Us Ka
Wo Apne Zaum Mein Tha, Be'khabar Raha Mujh Se
Usey Guman Bhi Nahi, Main Nahi Raha Us Ka
Wo Barq Roo Tha, Magar Wo Gaya Kahan Jaane
Ab Intezar Karein Ge Shikasta Paa Us Ka
Chalo Yeh Seel Bala Khaiz Hy Baney Apna
Safina Us Ka, Khuda Us Ka, Na'Khuda Us Ka
Yeh Ahel-e-dard Bhi Kis Ki Duhai Detey Hain
Wo Chup Bhi Ho Tu , Zamana Hai Hum Nawa Us Ka
Hami Ne Tarq-e-taluq Mein Pehl Ki Ke Faraz
Wo Chahta Tha Magar Honsla Na Tha Us Ka

مزاج ہم سے زیادہ جدا نہ تھا اس کا
جب اپنے طور یہی تھے تو کیا گلہ اس کا
وہ اپنے زعم میں تھا بے خبر رہا مجھ سے
اسے گماں بھی نہیں میں نہیں رہا اس کا
وہ برق رو تھا مگر وہ گیا کہاں جانے
اب انتظار کریں گے شکستہ پا اس کا 

چلو یہ سیل بلا خیز ہی بنے اپنا
سفینہ اس کا خدا اس کا ناخدا اس کا
یہ اہل درد بھی کس کی دہائی دیتے ہیں
وہ چپ بھی ہو تو زمانہ ہے ہم نوا اس کا
ہمیں نے ترک تعلق میں پہل کی کہ فرازؔ
وہ چاہتا تھا مگر حوصلہ نہ تھا اس کا

Khud Ko Tere Mayar Se Ghat Kar Nahi Dekha

Khud Ko Tere Mayar Se Ghat Kar Nahi Dekha

Ju Chorh Gaya Usko Palat Kar Nahi Dekha

 Meri Tarah Tu Ne Shab-e-Hijran Nahi Kaati

Meri Tarah Iss Taig Pe Kat Kar Nahi Dekha

Tu Dishna-e-nafrat Hy Ko Lehrata Raha Hai

Tu Ne Kabhi Dushman Se Lipat Kar Nahi Dekha

The Kocha-e-Janaa Se Parey Bhi Kayi Manzar

Dil Ne Kabhi Iss Raah Se Hat Kar Nahi Dekha

Ab Yaad Nahi Mujh Ko Faraz Apna Bhi Paikar

Jis Roz Se Bikhra Hon Kabhi Simat Kar Nahi Dekha

خود کو ترے معیار سے گھٹ کر نہیں دیکھا
جو چھوڑ گیا اس کو پلٹ کر نہیں دیکھا
میری طرح تو نے شب ہجراں نہیں کاٹی
میری طرح اس تیغ پہ کٹ کر نہیں دیکھا
تو دشنۂ نفرت ہی کو لہراتا رہا ہے
تو نے کبھی دشمن سے لپٹ کر نہیں دیکھا
تھے کوچۂ جاناں سے پرے بھی کئی منظر
دل نے کبھی اس راہ سے ہٹ کر نہیں دیکھا
اب یاد نہیں مجھ کو فرازؔ اپنا بھی پیکر
جس روز سے بکھرا ہوں سمٹ کر نہیں دیکھا

Ju Bhi Darun-e-dil Hai

Ju Bhi Darun-e-dil Hai Wo Bahir Na Aye Ga

Ab Agahi Ka Zahr Zuban Par Na Aye Ga

Ab Ke Bicharh Ke Us Ko Nidamat Thi Iss Qadar

Jee Chahta Bhi Tu Palat Kar Na Aye Ga

Yun Phir Raha Hai Kanch Ka Paikar Liye Huwey

Ghafil Ko Yeh Guman Hai Ke Pathar Na Aye Ga

Phir Bou Raha Hoon Aj Unhi Sahilon Pe Phool

Phir Jaise Mouj Mein Yeh Samandar Na Aye Ga

Main Jan Ba Lab Hoon Tarq-e-Taluq Ke Zehr Se

Wo Mutma'een Ke Harf Tu Us Par Na Aye Ga

جو بھی درون دل ہے وہ باہر نہ آئے گا
اب آگہی کا زہر زباں پر نہ آئے گا
اب کے بچھڑ کے اس کو ندامت تھی اس قدر
جی چاہتا بھی ہو تو پلٹ کر نہ آئے گا
یوں پھر رہا ہے کانچ کا پیکر لیے ہوئے
غافل کو یہ گماں ہے کہ پتھر نہ آئے گا
پھر بو رہا ہوں آج انہیں ساحلوں پہ پھول
پھر جیسے موج میں یہ سمندر نہ آئے گا
میں جاں بہ لب ہوں ترک تعلق کے زہر سے
وہ مطمئن کہ حرف تو اس پر نہ آئے گا 

Guftagu Achi Lagi 

Guftagu Achi Lagi Zoq-e-Nazar Acha Laga

Muddaton Key Baad Koi Hamsafar Acha Laga

Dil Ka Dukh Jana Tou Dil Ka Masla Hai Per Hamein

Us Ka Hans Dena Hamare Haal Per Acha Laga

Har Tarha Ki Be Sar-o-Samaniyon Ke Bawjood

Aaj Wo Aya Tou Mujh Ko Apna Ghar Acha Laga

Baghban Gulcheen Ko Chahe Jo Kahe Hum Ko Tou Phool

Shaakh Se Bharh Kar Kaf-e-dildar Per Acha Laga

Koi Maqtal Mein Na Pohncha Kon Zalim Tha Jisey

Tegh-e-qatil Se Ziada Apna Sar Acha Laga

Hum Bhi Qail Hain Wafa Mein Estwari Ke Magar

Koi Puchey Kon Kis Ko Umar Bhar Acha Laga

Apni Apni Chahtain Hain Log Ab Ju Bhi Kahein

Ek Pari Paiker Ko Ek Aashfta Sar Acha Laga

Meer Ke Manind Aksar Zeest Karta Tha Faraz

Tha Tou Wo Deewana Sa Shayar Magar Acha Laga…!

گفتگو اچھی لگی ذوق نظر اچھا لگا
مدتوں کے بعد کوئی ہم سفر اچھا لگا
دل کا دکھ جانا تو دل کا مسئلہ ہے پر ہمیں
اس کا ہنس دینا ہمارے حال پر اچھا لگا
ہر طرح کی بے سر و سامانیوں کے باوجود
آج وہ آیا تو مجھ کو اپنا گھر اچھا لگا
باغباں گلچیں کو چاہے جو کہے ہم کو تو پھول
شاخ سے بڑھ کر کف دل دار پر اچھا لگا
کوئی مقتل میں نہ پہنچا کون ظالم تھا جسے
تیغ قاتل سے زیادہ اپنا سر اچھا لگا 

ہم بھی قائل ہیں وفا میں استواری کے مگر
کوئی پوچھے کون کس کو عمر بھر اچھا لگا 

اپنی اپنی چاہتیں ہیں لوگ اب جو بھی کہیں 

اک پری پیکر کو اک آشفتہ سر اچھا لگا
میرؔ کے مانند اکثر زیست کرتا تھا فرازؔ
تھا تو وہ دیوانہ سا شاعر مگر اچھا لگا

Qurbat Bhi Nahi

Qurbat Bhi Nahi Dil Se Utar Bhi Nahi Jata

Woh Shakhs Koi Faisla Kar Bhi Nahi Jata

Ankhein Hain Ke Khaali Nahi Rehti Hain Lahu Se

Aur Zakham-e-Judai Hai Ke Bhar Bhi Nahi Jata

Woh Rahat-e-Jaan Hain Magar Iss Darbadri Mein

Aisa Hai Ke Ab Dhiyaan Udhar Bhi Nahi Jata

Hum Dohri Aziyat Ke Giraftaar Musafir

Paaon Bhi Hain Shall Shauq-e-Safar Bhi Nahi Jata

Dil Ko Teri Chahat Pe Bharosa Bhi Bohat Hai

Aur Tujh Se Bicharh Jane Ka Dar Bhi Nahi Jata

Pagal Huwye Jate Ho ‘Faraz’ Us Se Miley Kya

Itni Si Khushi Se Koi Mar Bhi Nahi Jata

قربت بھی نہیں دل سے اتر بھی نہیں جاتا
وہ شخص کوئی فیصلہ کر بھی نہیں جاتا
آنکھیں ہیں کہ خالی نہیں رہتی ہیں لہو سے
اور زخم جدائی ہے کہ بھر بھی نہیں جاتا
وہ راحت جاں ہے مگر اس در بدری میں
ایسا ہے کہ اب دھیان ادھر بھی نہیں جاتا 

ہم دوہری اذیت کے گرفتار مسافر
پاؤں بھی ہیں شل شوق سفر بھی نہیں جاتا
دل کو تری چاہت پہ بھروسہ بھی بہت ہے
اور تجھ سے بچھڑ جانے کا ڈر بھی نہیں جاتا
پاگل ہوئے جاتے ہو فرازؔ اس سے ملے کیا
اتنی سی خوشی سے کوئی مر بھی نہیں جاتا